Stellenbosch Municipality

Hierdie naweek is ’n historiese oomblik wanneer Lückhoff Hoërskool en Cloetesville Hoërskool se langverwagte derby plaasvind by die Van Der Stel Sportgronde in Stellenbosch. In ’n spesiale geleentheid, is beide skole vandag vereer met ’n uitnodiging na die Burgemeestersraadsaal deur Burgemeester Gesie van Deventer en Adjunkburgemeester Jeremy Fasser.

Die Burgemeester het alle leerders aangemoedig om die naweek te geniet en hul beste op die veld te lewer. Sy het beklemtoon hoe belangrik sport as ’n kragtige vereniger en gemeenskapsbouer is, veral in sulke geleenthede wat mense bymekaar bring.

Adjunkburgemeester Jeremy Fasser, ’n oudleerling van Cloetesville Hoërskool, het beide skole sterkte toegewens, alhoewel hy erken het dat hy hoop op ’n bietjie ekstra geluk vir sy alma mater. Hy het ook sy dank uitgespreek aan die munisipale amptenare wat onverpoos gewerk het om die gronde gereed te kry vir hierdie belangrike geleentheid.

Dit is vanjaar die eerste keer wat die derby by die Van Der Stel Sportgronde plaasvind, ’n mylpaal wat moontlik gemaak is deur die ondersteuning van die munisipaliteit. Die verhoog is gereed vir ’n onvergeetlike stryd!

Wie gaan wen? “Like” vir Lückhoff, hartjie vir Cloetesville! 👍❤️

It was lovely having you and your department here, Minister Ivan Meyer.