17 Desember 2024
Die besoek aan Stellenbosch Munisipaliteit se rioolwerke op Maandag, 9 Desember 2024, was gekenmerk deur oop en deursigtige betrokkenheid. Verteenwoordigers van Afriforum is hartlik verwelkom en het die geleentheid gehad om die aanleg se bedrywighede deeglik te inspekteer.
Tydens die besoek is bevestig dat die aanleg in uitstekende werkende toestand verkeer en dat geen probleme of uitdagings geïdentifiseer is nie. Die aanleg funksioneer optimaal, ondersteun deur gereelde instandhoudingskedules, terwyl die afname in beurtkrag ononderbroke bedrywighede verder verseker. Kragopwekkers bly beskikbaar as ‘n voorsorgmaatreël.
Afriforum het erkenning gegee aan die aanleg as ‘n toonbeeld van operasionele uitnemendheid. Hulle het ook aangedui dat hulle van plan is om die sukses van Stellenbosch as ‘n model te gebruik om metodologieë te ontwikkel wat ander munisipaliteite kan ondersteun wat met rioolwaterbestuur sukkel. Die Munisipaliteit het sy steun aan hierdie inisiatief gegee.
Stellenbosch Munisipaliteit is trots op die hoë standaarde wat by die aanleg gehandhaaf word en ons bedank Afriforum vir hulle besoek en positiewe insette.
